Kënga e Austrisë është fituese e festivalit të këngës në Eurovision për vitin 2014. Këngëtarja transeksuale, Conchita Wurst, ka fituar bindshëm me 290 vota, me këngën “Rise Like A Phoenix”.
Pozita e dytë i takoi Holandës, me 238 pikë, derisa pozita e tretë, Suedisë me 218 pikë.
Do theksuar se pjesëmarrja e Conchita Wurst (emri i mëparshëm Thomas Neuwirth) në Eurovision ka krijuar polemika të shumta. Shtetet e Evropës Lindore si Rusia, Armenia dhe Bjellorusia kanë qenë kundër paraqitjes së kësaj këngëtare në skenë, me arsyetim të mbrojtjes së vlerave familjare, mirëpo pjesa tjetër e Evropës e ka vlerësuar si diçka krejtësisht të drejtë paraqitjen e Conchitas.
Kënga ka rritur rekord klikimesh YouTube, duke mbledhur më shumë se 2 milionë të tilla.
Në mbrëmjen fantastike të finales së këtij edicioni në Kopenhagë, mungoi Shqipëria, pasi këngëtarja Hersi Matmuja nuk arriti ta kalojë gjysmëfinalen me këngën “One Night’s Anger”.