Një aksident automobilistik ka ndodhur mesditën e sotme në aksin rrugor Korçë-Pojan. Autobusi me rreth 30 pasagjerë i linjës Korçë-Orman ka dalë nga rruga.
Për pasojë kanë mbetur të plagosur 14 persona, mes tyre edhe dy fëmijë.
Ata janë dërguar në spitalin e Korçës për ndihmë mjekësore, ndërsa raportohet se janë jashtë rrezikut për jetën.
Në gjendje më kritike, por jo në rrezik për jetën ndodhen 6 persona.
Paraprakisht mësohet se shkak i aksidentit ka qenë një kalimtar, të cilin shoferi i autobusit ka tentuar ta shmangte për të mos e shtypur.
Manovra e tij ka qenë fatale pasi mjeti ka dalë nga rruga. Policia ka shoqëruar në komisariat shoferin për të sqaruar rrethanat e plota të ngjarjes.