Ministrja e Drejtësisë, Dhurata Hoxhaj ka shprehur ngushëllimet dhe keqardhjen për vdekjen e aktivistit të Vetëvendosjes, Astrit Dehari që ka ndërruar jetë në Qendrën e Paraburgimit në Prizren.
Hoxhaj ka treguar se autopsia e trupit të të ndjerit do të bëhet në orën 14:00 derisa ka shtuar se për zbardhjen e këtij rasti që është cilësuar si vdekje e dyshimtë janë aktivizuar të gjithë mekanizmat.
“Janë aktivizuar të gjithë mekanizmat, ekipi i mjekësisë ligjore, Prokuroria, Policia si dhe është lejuar përfshirja e një eksperti vëzhgues. Familjarët kanë identifikuar ekspertët derisa autopsia do të fillojë në orën 14:00 derisa për hir të transparencës do të jetë edhe EULEX-i”, ka thënë Hoxhaj, njofton Klan Kosova.
Ministrja e Drejtësisë ka thënë se me qëllim të sqarimit sa më transparent është angazhuar edhe Inspektorati.