19.8 C
Prizren
E enjte, 30 Maj, 2024

Babai i dëshmorit Fetah Gega: Rama e Thaçi të rregullojnë ekonomitë

AhmetGegaPër bac Ahmet Gegën, 11 janari i 2014-së do të jetë dita më e bukur e jetës së tij pas 28 Nëntorit 2012, 100-vjetorit të Pavarësisë së Shqipërisë. Ai do t’i kërkonte dy kryeministrave të forconin ekonomitë e dy vendeve.

“Unë doja të falënderoja Kryeministrin Rama e Kryeministrin Thaçi, që ka qenë në burgjet e Serbisë, i cili ka luftuar për këtë ditë që ne të jemi të lirë. Unë jam i brengosur, sepse kam një djalë dëshmor (qan) dhe atë ia kam falur Atdheut. Kështu që jemi të kënaqur se sot jemi të lirë dhe gjaku i të rënëve sot po shpërblehet”, tha Ahmet Gega për Illyriapress

Çfarë është për ju dita e sotme, si po e prisni mbledhjen e dy qeverive?
Kënaqësi më të madhe se sot unë nuk kam pas, me përjashtim të vitit të kaluar të 100-vjetorit në Vlorë. Ajo festë na dha kënaqësinë e bashkimit të kombit shqiptar. Takimi i sotëm është shumë më me rëndësi se më parë, kur ka qenë Kryeministër Sali Berisha. Unë doja të falënderoja Kryeministrin Rama e Kryeministrin Thaçi, që ka qenë në burgjet e Serbisë, i cili ka luftuar për këtë ditë që ne të jemi të lirë. Unë jam i brengosur, sepse kam një djalë dëshmor (qan) dhe atë ia kam falur Atdheut. Kështu që jemi të kënaqur se sot jemi të lirë dhe gjaku i të rënëve sot po shpërblehet.

Djali juaj ka rënë dëshmor për Kosovën?
Po. Ne si familje kemi qenë në Shqipëri, në Shëngjin, kur na është vrarë djali dhe na kanë bërë një respekt shumë të madh. 250 anëtarë të familjes na ka sistemuar komuna e Shëngjinit. Na ka ardhur Sali Berisha, por na ka shprehur ngushëllime edhe Fatos Nano. Djali, Fetah Gega, ra në luftë më 2 maj 1999.

Çfarë prisni nga kjo mbledhje e dy qeverive?
Unë pres shumë gjana të mira or djali i bacës. Në kërkojmë të rregullohet çështja ekonomike. Tjetër që kërkojmë është që të bëhemi një grusht, të gjithë shqiptarët, që të bëhemi një forcë e parë në Ballkan. Vendet fqinje na i kanë zilinë dhe na kanë pengu gjithmonë. Serbia ka pas gisht dhe na ka pengu sa herë ka dash.

Nëse do të pinit një kafe me Edi Ramën, çfarë do t’i thoshit?
Do ta falënderoja për këtë ditë të sotme, se unë nuk jam në gjendje të bëj biseda dhe ta mësoj atë, ai ka plot mend.

Po Hashim Thaçit çfarë do t’i thoshit?
Ne rrimë me Hashimin, sidomos kur kemi ditët përkujtimore, ditët e festive apo dhe të fushatave zgjedhore.

Unë do t’i thosha një gjë: Hashimi ishte udhëheqësi politik i UÇK dhe sot ulet ballë përballë me Serbinë. Kush e kishte mendu një gjë të tillë më përpara?! Të dy qeverive do t’i thosha që të rregullojnë ekonominë e dy vendeve, që shqiptarët të jetojnë më mirë në vendet e tyre. Ne sot jemi të kënaqur, pse nuk kemi Serbinë këtu në Kosovë.

Më Shumë

QKMF-së në Malishevë i shtohen edhe katër mjek të rinj

Sot, në Qendrën Kryesore të Mjekësisë Familjare (QKMF) “Dr.Shpëtim Robaj” në Malishevë, janë nënshkruar kontratat e punës me katër mjek të rinj, mjek të...

Haradinaj në Rahovec: Aleanca me vizion të qartë për ndryshim, për zhvillimin ekonomik dhe për Kosovën pjesë të NATO-s

Kryetari i Aleancës për Ardhmërinë e Kosovës (AAK), Ramush Haradinaj, ka marrë pjesë në shënimin e 24-vjetorit të themelimit të Aleancës në Rahovec. Me këtë...

Lajmet e Fundit