Bashkimi Demokratik i Zafir Berishës i është kundërpërgjur akuzave të PDK-së. Ky subjekt politik akuzat e PDK-së në drejtim të liderit të tyre i ka vlerësuar shpifje të nivelit të ulët.
“Hiqni maskat dilni me emër e mbiemër, ai i cili qëndron pas kësaj komunikate e cila nuk është asgjë tjetër përveç se vazhdimësi e shpifjeve të ultë pro serbe që bëhen ndaj liderit të Bashkimit Demokratik Zafir Berisha”.
“Letra që ka dalë në emër të PDK-së në adresë të medieve dhe që nuk e ka nënshkruar asnjë zyrtarë i tyre tregon fytyrën e vetë të këtyre mbeturinave të Serbisë të cilët kanë përvojë nga e kaluara “Me gjuajt gurin dhe fsheh dorën” gjë kjo që ka ndodhur vazhdimisht nga njerëz dhe maskarenj të llojit të atyre që kanë shkruat atë komunikatë dhe që nuk e nënshkruajnë sepse, të pa besë kanë lindur dhe të pa besë kanë me vdes”.
“Shpifjet e ulëta jo njerëzore dhe të pa baza janë që janë bërë në adresë të liderit Zafir Berisha, familjes së tij, shokëve dhe miqve të tij nuk janë asgjë tjetër përveç asaj që tashmë është publike se mbeturinat dhe shërbëtoret e pushtetit serb kanë shtrirë rrënjët thellë në bandën që quhet PDK. Në paqavuren e cila ka dalë me siglën e PDK-së vihet në pikëpyetje pjesëmarrja në luftë e liderit tonë z. Berisha, atëherë shtrohet pyetja kush paska qenë pjesëmarrës ne luftë? Këto mbeturina që janë në PDK dhe që kanë ikur me gomone për Itali apo Zafir Berisha me shokët e tij që më 12 qershor 1999 triumfalisht kanë marshuar në qytetin e Prizrenit”.
“Qytetarët e Prizrenit e dinë më mirë se çdo kush tjetër kush është regatash në Prizren dhe siç e dinë mirë që lideri ynë Zafir Berisha ka shkrirë gjithë pasurinë e tij dhe familjes së tij për ta vënë në shërbim të Kosovës dhe për këtë mund të flasin qindra qytetarë që të cilëve iu ka ndihmuar disa prej të cilëve për fat të keq vazhdojnë të jenë në shërbim të bandës së quajtur PDK”.
“Anëtarët, simpatizantët e Bashkimit Demokratik janë krenarë që në krye kanë njeriun e sfidave dhe më meritorin për luftën e UÇK-së në regjionin e Prizrenit Zafir Berishën dhe shpifjet përmes paçavures të PDK-së janë niveli më i ulët i njerëzve që do të gjykohen me votën e qytetarëve më 1 dhjetor”.
“Ju që fshiheni pas kësaj komunikate e dini shumë mirë së z. Berisha me 8 prill 2010 ka dhënë dorëheqje nga PDK-ja e hajnave dhe tendenca e juaj, o injorantë që fshiheni pas maskave se gjoja z. Berisha është përjashtuar nuk shitet tek qytetarët e Prizrenit dhe Kosovës”.
“Bashkimi Demokratik pas kësaj komunikate të njerëzve me maska që nuk e nxjerrin fytyrën do të bëjë padi në organet e drejtësisë për shpifjet qyqare dhe të poshterka për të vetmin qëllim për ta kuptuar fytyrën e poshtër të atyre që qëndrojnë pas kësaj komunikate e shkruar në stilin e UDB-së.Ne kemi emër dhe mbiemër, kush jeni ju qe lëshoni komunikata anonime dhe nuk nxirrni fytyrën….”, thuhet në komunikatën e BD-së të nënshkruar nga zëdhënësi Leart Batusha./PrizrenPress.com/