Bashkimi Demokratik ka alarmuar për presionet që po i bëjnë votuesve, simpatizantët e PDK-së.
“Sipas informacioneve që ka BD-ja nga vëzhguesit në teren është informuar se militantët e PDK-së janë duke bërë presione para objekteve shkollore, ndaj qytetarëve për ta votuar subjektin e tyre, dhe në fshatin Poslisht në qendrën 2059a në mesin e militantëve të PDK-së është edhe vetë kandidati për Kuvend të Prizrenit Visar Islamaj,ndërsa në Prizren,në shkollën fillore “Abdyl Frashëri” qendra 2003a, bartësi i listës së PDK-së Nijazi Kryeziu më njësitet e veta parapolitike të shoqëruara nga Gardianë të kompanisë së sigurisë “Black Panter” po terrorizojnë votuesit”, thuhet në reagimin e BD-së.
“Shumë militantë partiakë të PDK-së rrinë para hyrjes së shkollës fillore “Fadil Hisari” qendra 2006a, ku çdo qytetar që vjen të votojë iu imponohen përmes vizitkartave të kandidatëve. Ndërsa në qendrën 2006x, partizani Ylki Xhemaj si vëzhgues i PDK-së shpërndanë mbushje telefonike për ata që i premtojnë vota. Dhe, edhe në momentet kur po reagojmë këto veprime janë duke ndodhur”. /PrizrenPress.com/