8.8 C
Prizren
E mërkurë, 28 Shkurt, 2024

Beogradi premton hetim për ata që fshehën varrezën e Rashkës

Bruno VekaricSerbia thotë se e ka seriozisht në përpjekjen për të gjetur mbetjet mortore të të gjitha viktimave shqiptare të luftës në Kosovë, të cilat ishin bartur në Serbi.

Zëvendësprokurori serb për krime lufte, Bruno Vekaric, në një intervistë dhënë KTV-së, ka thënë se janë bërë përpjekje me vite të tëra për ta zbuluar varrezën në Rashkë dhe me sofistikimin e mjeteve të gjurmimit, janë zbuluar mbetjet mortore.

Vekaric ka theksuar se kishte pasur presione politike nga Kosova për këtë çështje, porse Prokuroria e ka bërë punën e vet e pandikuar nga politika.

Sipas tij, organet e drejtësisë në Beograd do të hetojnë edhe ata që e kanë fshehur varrezën, duke e quajtur këtë krim të dyfishtë.

Sipas Vekaricit, zhvarrosja e mbetjeve mortore do të kryhet sa më shpejt që është e mundur, por identifikimi dhe numri i saktë i gjetjeve mund të marrë kohë.

Ndërkohë pala kosovare pret që procesi i zhvarrosjes të nisë në fillim të vitit të ardhshëm. Konsiderohet se në këtë varrezë masive gjenden trupat e së paku 250 viktimave civile të luftës në Kosovë.

Më Shumë

Liria e Prizrenit nuk dorëzohet, prezanton tre prurje cilësore

Liria e Prizrenit është e fundit në tabelë, por ata vazhdojnë të kenë shpresa për mbijetesën dhe për këtë arsyeje po bëjnë përforcime. Skuadra prizrenase...

Sekuestrim i substancës narkotike dhe armëve në Prizren

Një person është arrestuar  në Prizren, pasi gjatë kontrollit të veturës dhe shtëpisë së tij janë gjetur dhe sekuestruar 5.46 gramë substancë narkotike e...

Lajmet e Fundit