14.8 C
Prizren
E enjte, 29 Shtator, 2022

Berisha garanton mbështetje për sportin në Prizren

Vizita në WinnerKandidati për kryetar të Prizrenit nga Bashkimi Demokratik, Zafir Berisha në kuadër të aktiviteteve parazgjedhore ka vizituar shkollën e futbollit “Winner” në Prizren.

Berisha tha se një nga prioritetet e BD-së do të jetë mbështetja e sportit prizrenas në përgjithësi  si dhe futbollit në veçanti,  për faktin se futbolli në Prizren është degraduar deri në atë masë sa që klubi i futbollit “Liria” me të cilin është identifikua Prizreni për dekada të tëra gjendet në prag të shuarjes për shkak të mos mbështetjes së duhur nga institucionet të cilat Prizrenin për fat të keq e kanë lënë edhe pa Stadium, prandaj ne do të angazhohemi që Prizrenit t’i kthehet krenaria edhe në sport dhe të ndërtojmë një Stadium me standarde të pranuara edhe nga UEFA.

Ehat Oreshka veteran i futbollit prizrenas dhe kandidat për Kuvendin e Prizrenit nga radhët e BD-së tha se ne ish sportistët e Prizrenit jemi pjesë e ekipit të Bashkimit Demokratik sepse po mendojmë se përmes këtij subjekti do ta avancojmë vlerat e sportit në qytetin e Prizrenit të cilat janë degraduar në skajshmëri.

Sead Gorani, trajner i Shkollës së Futbollit “Winner” falënderoi Berishën dhe ekipin shoqërues për vizitën që ja  bënë, duke thënë se jeni i vetmi subjekt politik që na keni vizituar dhe jemi optimist se pas zgjedhjeve të 3 nëntorit futbolli dhe sporti në përgjithësi në Prizren do të kenë një trajtim më të mirë. /PrizrenPress.com/

 

Më Shumë

Dogana e Kosovës konfiskon produkte higjienike të falsifikuara (foto)

Dogana e Kosovës ka njoftuar se kanë arritur të konfiskojnë produkte higjienike të falsifikuara. Sipas njoftimit të doganës, të gjitha produktet janë ndaluar gjatë ekzaminimit...

Punime në rrjet nga KEDS, në këto zona do ketë ndërprerje të rrymës në Prizren

Njoftimet nga KEDS për punimet në rrjet: 24.09.2022 Punime të domosdoshme për siguri të sistemit 1. TS 35/10 kV Pirana do të ndërprehet:     Dalja 10 kV Komuna Mamushe (kodi:...

Lajmet e Fundit