Kryetari i Bashkimit Demokratik (BD) Zafir Berisha ka thënë se në zgjedhjet e nëntorit nuk do të bëjë koalicion as me Ramadan Mujën (PDK), por as me Eqrem Kryeziun (LDK).
‘’Ne koalicion kemi me qytetarin që na siguron që nuk kemi nevojë për këto dy subjekete politike, që tashmë e kanë dëshmuar vetën se nuk janë të afta që ndershëm ta qeverisin pushtetin lokal ose edhe atë qendror’’, ka thënë Berisha në vazhdimin e intervistës në Bota Sot.
Sipas tij, Bashkimi Demokratik është duke bërë kontratë mer qytetarët e Prizrenit dhe atë të Dragashit.
‘’Jemi shumë të bindur se vizioni i BD-së do të triumfojë, sepse alternativa që e ofrojmë është më e pranueshme për qytetarët’’, ka thënë Berisha.
Prioritet i BD-së, sipas tij, do të jetë luftimi i korrupsionit dhe krimit të organizuar si dhe punësimi i gjeneratës së re që po sillet vërdallë rrugëve pa perspektivë në vendin e vet.