Kandidati i Bashkimit Demokratik për kryetar të Prizrenit Zafir Berisha, vizitoi të premetn Shoqatën e Pensionistëve.
Berisha premtoi se me ardhjen në pushtet të BD-së, pensionistët do të kenë një përkrahje më të madhe se sa e kanë pasur deri më tash.
“Me ardhjen në pushtet të BD-së do të qëndrojmë pran pensionistëve me të gjitha mundësitë në përputhje me kompetencat e pushtetit lokal“, tha Berisha. Ai premtoi se BD-ja do t’ia sigurojë pensionistëve transportin urban falas.
Kryetari i Shoqatës së Pensionistëve, Musa Jorganxhiu, falënderoi kandidatin e BD-së, Berisha dhe ekipin e tij për vizitën dhe premtimin e dhënë për pensionistët.
“Zoti Berisha vazhdimisht i ka pasur dyert hapur dhe konsideratë për Shoqatën e Pensionistëve dhe Invalidëve të Punës”, tha Jorganxhiu. /PrizrenPress.com/