Sot në Ferizaj për herë të parë janë mbajtur garat e notit “Kupa e Bifurkacionit” të organizuar nga Klubi i Notit “Kastrioti” nga ky qytet, në bashkëpunim me Federatën e Notit të Kosovës dhe Komunën e Ferizajt.
Klubi i Notit “Besa” nga Banja e Malishevës, për meshkuj, bindshëm kanë dalë të parët dhe kanë fituar “Kupën e Bifurkacionit”.
Këtë e ka konfirmuar për Zyrën për Informim, trajneri i klubit, Adrian Telaku. Sipas tij, garat sapo kanë përfunduar dhe ekipi “Besa”, për meshkuj, e ka fituar këtë kupë.
Sipas ueb faqes zyrtare të Komunës së Ferizajit, në këtë garë, e cila organizohet për herë të parë, dhe që synon të jetë tradicionale, kanë marrë pjesë rreth njëqind notar nga të gjitha klubet e notit në Kosovë. /PrizrenPress.com/