Liderët e bllokut nuk kanë pushuar as të dielën, ku Fatmir Limaj ka qenë nikoqir i takimit të radhës së VLAN-it.
Liderët e bllokut janë të takuar në orët e mbrëmjes në një lokal në rrugën “Rexhep Luci” për të diskutuar për hapat e mëtejmë që do t’i ndërmarrin, raporton KTV.
Kryetari i Lëvizjes Vetëvendosje, Albin Kurti, ka deklaruar se kjo është vazhdimësi e takimeve të bllokut. Kurse, i nominuari për kryeministër nga radhët e bllokut, Ramush Haradinaj, ka thënë se janë të bindur se Blloku duhet t’i formojë institucionet e reja.
Sipas tij, kryeministri në largim, Hashim Thaçi, nuk e ka fuqinë e shumicës.
Ndërkohë, kryetari i Nismës për Kosovën, Fatmir Limaj nuk ka dal fare për të komentuar këtë takim pa prani të mediave.
Derisa për Isa Mustafën ka qenë veçse një takim kafeje me partnerët e koalicionit paszgjedhor.