Banorët e një fshati në Komunën e Dragashit, në Kosovë, kanë mbetur të bllokuar krejtësisht, pasi bora e madhe që ka rënë ditëve të fundit nuk është pastruar fare.
Rrugët në fshatin Buqe janë bërë tërësisht të pakalueshme nga bora, i kanë treguar Gazetës Express disa banorë të atjeshëm.
Ata ankohen se as Komuna, e as kompanitë e kontraktuara për heqjen e borës, nuk kanë shkuar për t’ju dalë në ndihmë.
Një banor, i cili s’ka dashur t’i bëhet publik emri, ka treguar se bllokimi i rrugëve i ka pamundësuar t’i dërgojë te mjeku fëmijët e tij të sëmurë.
