Berat Buzhala ka dhënë dorëheqje nga pozita e anëtarit të Këshillit Drejtues të PDK-së. Lajmin e ka konfirmuar vet Buzhala në profilin e tij në “Facebook”.
Deklarata e Berat Buzhalës:
Jap dorëheqje nga pozita e anëtarit të Këshillit Drejtues të PDK-së
Në ketë mënyrë, tash e tutje, e konsideroj veten vetëm votues normal të Republikës sonë. Arsyet për largimin tim janë te shumta, por unë tash nuk do t’i numëroj ato. Sigurisht se largimi im nga PDK nuk do te paraqes kurrfarë humbje për këtë subjekt, e sidomos jo për politiken kosovare.
Patjetër që dëshiroj ta falënderojë përzemërsisht Kryetarin e PDK-së për bashkëpunimin. Gjithashtu deshifroj ta falënderoj edhe zëvendëskryetarin Kadri Veseli për përkrahje.
Kurse një falënderim i veçantë shkon për Kryetarin e Skenderajit, mikun tim të çmuar, Sami Lushtakun. Ky i fundit jam i bindur thellë se padrejtësisht po torturohet për krime të luftës. Unë dhe familja ime, duke qene përafërsisht nga rajoni i njëjtë me atë te z. Lushtaku, kemi njohuri të thella edhe për vlerat e kristalta të UCK-së, por edhe për aktet kriminale te kryera nga pjesëtarë eminent të kësaj force çlirimtare.
Jam i bindur thelle se z. Lushtaku bën pjesë patjetër në pjesën e ndritshme të UCK-së. Për veprimtaritë e pasluftës nuk dëshiroj të komentoj as për Lushtakun e as për asnjë tjetër.
Ajo çfarë dëshiroj të them është se për rastin që po gjykohet Lushtaku është krejtësisht i pafajshëm. Ndërsa partia qe i takon Lushtaku ka bërë pak ose aspak për te ndihmuar në zbardhjen e te vërtetës. Mirëpo kjo le te jetë brengë e PDK-së. Simpatia ime për Samiun do të vazhdoj.
Pra, miq, deri këtu paska pas qenë e shkruar.