16.8 C
Prizren
E premte, 29 Mars, 2024

Christian Eriksen rikthehet në fushë tetë muaj pas arrestit kardiak

Christiani Eriksen luajti një orë prapa dyerve të mbyllura të hënën, në miqësoren e Brentford përballë Southend United.

Kjo ishte ndeshja e parë që ai luajti pas arrestit kardiak që pësoi në fushë gjatë ndeshjes Danimarkë – Finlandë në kuadër të EURO 2020.

Ish-mesfushori i Tottenham, krijoi një gol në fitoren 3-2 të Brentford.

Danezi, i cili dje mbushi 30 vjeç, te Brentford u afrua gjatë muajit janar, pasi u lirua nga kontrata me Inter-in.

Pas transferimit, Eriksen u shpreh që ende i duket si mrekulli fakti që mund të vazhdojë karrierën pas asaj që ndodhi në EURO 2020.

Eriksen po tenton që të kthehet në formën ideale fizike, dhe ndeshja miqësore përballë Southend United është një ndihmë e madhe në këtë aspekt.

Për herë të fundit në një ndeshje zyrtare si u shfaq pikërisht më 12 qershor për Danimarkën, para ngjarjes që la pa frymë për disa minuta të gjithë botën e futbollit, dhe jo vetëm.

Kontrata e tij me Inter-in u shkëput pas një marrëveshje të përbashkët në dhjetor, pasi sipas rregullavë të Serie A ai nuk mund të luante më në Itali.

Mirëpo, Premier League nuk ka të njëjtat rregulla dhe Eriksen kërkon rikthimin në formën më të mirë në radhët e Brentford.

/Albanianpost.com

Më Shumë

Moti sot, temperaturat deri në 23 gardë Celsius

Sot në Kosovë parashihet të mbajë mot i ngrohtë dhe me diell. Kështu bën të ditur Meteo Kosova. Sipas njoftimit të MK-së, do të fryjë erë...

Osmani merr pjesë në tubimin përkujtimor në 25 vjetorin e masakrës në Krushë të Madhe

Presidentja e vendit, Vjosa Osmani do të marrë pjesë në tubimin përkujtimor në 25 vjetorin e masakrës në Krushë të Madhe, me fillim të...

Dhimbja

Lajmet e Fundit