Ibrahim Gashi duket se është profesori më i parregullt në Fakultetin Filozofik. Këtë së fundi e kanë vënë në pah nëpërmjet një pyetësori Këshilli i Studentëve të Fakultetit Filozofik të Universitetit të Prishtinës, të cilët kanë analizuar mbarëvajtjen e procesit mësimor për vitin akademik 2013-2014 në këtë fakultet.
Ky këshill ka dorëzuar raportin në dekanatin e Fakultetit Filozofik dhe janë duke pritur të merren masat kundrejt këtyre parregullsive.
Prodekani në Fakultetin Filozofik, Dashamir Bërxulli, thotë se e kanë marrë raportin e bërë nga këshilli, mirëpo sipas tij këto rezultate do të krahasohen me raportet e mëhershme të bëra nga zyra për zhvillim akademik në UP dhe pastaj do të ndërmerren masat e duhura.