Deputetja e PDK-së, Luljeta Veselaj-Gutaj, kërkon bojkotimin e seancave politike të Kuvendit të Kosovës, në datat historike të Marsit.
Sipas saj, Kuvendi i Kosovës, duhet të mbajë një seancë solemne në kujtim të veprës heroike të familjes Jashari.
“Pse bash në këto data të mbahet seancë, jam e bindur se po përçojmë mesazh jounifikues si shtet”, shkruan aj në “Facebook”.
“Konsideroj se kjo seancë duhet të bojkotohet!!!”.
“Po bëhen 21 vjet nga fillimi i betejës heroike të Familjes së Komandantit Legjendar të UÇK-së, Adem Jashari kundër forcave të armikut”.
“Datat heroike 5, 6 dhe 7 Marsi duhet të jenë data feste kombëtare për vendin dhe popullin tonë, festë e cila bashkon shqiptarët dhe popullin tonë në përgjithësi, festë ku duhet të reflektojmë për punën tonë të përditshme me qëllim për të ruajtur e ngritur unitetin tonë”.
“Shumë më e arsyeshme do të ishte të organizohet seancë solemne në Kuvendin e Kosovës në kujtim të veprës heroike të Familjes Jashari dhe gjithë të rënëve për lirinë dhe pavarësinë e Kosovës se të mbahet seancë për politika ditore”.
“Lavdi Familjes Jashari dhe gjithë dëshmorëve të kombit, si dhe të gjithë të rënëve për lirinë dhe pavarësinë e Kosovës”./PrizrenPress.com/