Të hënën, në Gjykatën Themlore në Prizren, ka dështuar të mbahet seanca e shqyrtimit kryesor, ku e paditur nga Kushtrim Skeraj dhe Valentina Bylugbashi është Qendra Kryesore e Mjekësisë Familajre në Komunën e Prizrenit, në lidhje me konkursin për pranimin e mjekëve.
Shkak përmos mbajtjen e kësaj seance ishte kërkesa e dërguarn përmes një parashtrese e të autorizuarit të paditësve që kjo seancë të shtyhet për një datë tjetër, raporton “Betimi për Drejtësi”
Ndërsa pala e paditur, edhe pse ishte ftuar në mënyrë të rregullt nuk u paraqit në seancën gjyqësore.
Gjyqtari Fahret Vellija, aprovoi kërkesën e shtyrjes së seancës së sotme dhe shqyrtimin e radhës e caktoi me 10.03.2021 në ora 10:00.
Paditësit, përmes padisë kërkojnë që të aprovohet në tërësi si e bazuar kërkesë padia e tyre, ashtu që vendimin e të datës 16.07.2020, për përzgjedhjen e 8 ( tetë) aplikanteve për vendin e punës Doktorë i Mjekësisë në Qendra Kryesore e Mjekësisë Familjare në Prizren të shpallet si i kundërligjshëm si dhe konkursi i datës 11.06.2020 anulohet .
Po ashtu, paditësit kërkojnë që të detyrohet e paditura Komuna e Prizrenit, Qendra Kryesore e Mjekësisë Familjare në Prizren që në afat prej 7 dite, pas pranimit të këtij aktgjykimi ta shpall konkursin e ri për pranimin e 8 pozitave të punës si Doktorë i Mjekësisë në Qendra Kryesore e Mjekësisë Familjare në Prizren si dhe të detyrohet e paditura Komuna e Komuna e Prizrenit, Qendra Kryesore e Mjekësisë Familjare në Prizren, që paditësve t’ia kompensoj të gjitha shpenzimet procedurale, të gjitha këto në afat prej 7 ditësh nga plotfuqishmëria e këtij aktgjykimi, nën kërcënimin e përmbarimit me dhunë./BetimipërDrejtësi