Drejtoria Komunale e Arsimit (DKA) në Suharekë, këto ditë po bënë përgatitjet e fundit për fillimin sa më të mbarë të vitit të ri shkollor 2013/2014.
Zyrtarë të kësaj Drejtorie pohojnë se janë në procesin e plotësimit të kuadrit mësimor, për çka është hapur konkursi dhe javën e ardhshme do të bëhen intervistat me kandidatët që kanë konkurruar.
Gjithashtu po punohet në rregullimin e ambienteve shkollore, meremetimin e hapësirave ku ka pas nevojë të intervenohet.
Zyrtarët e DKA-së pohojnë se viti i ri shkollorë do të fillojë në të gjitha shkollat fillore, të mesme të ulët dhe në dy shkollat e mesme./PrizrenPress.com/