13.8 C
Prizren
E enjte, 28 Mars, 2024

Dragash/ Akuzohej se vodhi 20 euro, prokurori tërhiqet nga ndjekja penale ndaj tij

Prokuroria Themelore në Prizren, ka hequr dorë nga aktakuza që kishte ngritur ndaj Vait Hoxhës, i cili akuzohej se kishte vjedhur 20 euro.

Në seancën e së mërkurës në Gjykatën Themelore në Prizren, dega në Dragash, prokurori Besim Susuri, është tërhequr nga aktakuza ndaj Hoxhës, raporton “Betimi për Drejtësi”.

Ai ka thënë se një veprim të tillë, e ka marr pasi që tashmë e dëmtuara ka vdekur dhe se sipas tij, vepra penale është e një rëndësie të vogël.

Pas kësaj, gjykatësja Sabaheta Kurteshi, ka marrë aktgjykim refuzues, derisa i akuzuari është liruar edhe nga të gjitha shpenzimet procedurale.

Sipas aktakuzës së ngritur më 7 nëntor 2016, nga Prokuroria Themelore në Prizren, Vait Hoxha akuzohej se më 12 tetor 2015, rreth orës 20:00, në fshatin Restelicë të Dragashit, ia merr pasurinë personit tjetër, me qellim të përfitimit të kundërligjshëm  për vete apo për dikë tjetër.

Në aktakuzë thuhet se i akuzuari shkon në shtëpinë e të dëmtuarës N.S, dhe nga aty merr shumën e të hollave prej 20 eurosh dhe largohet nga vendi i ngjarjes.

Me këto veprime, ai akuzohej se ka kryer veprën penale të vjedhjes, e paraparë në nenin 325, paragrafi 2 e Kodit Penal të Kosovës. /BetimipërDrejtësi

Më Shumë

Milani përgatit kontratën e re për Theo Hernandez

Gjigantët e Serie A, Milan-i po mendojnë të rinovojnë kontratën e Theo Hernandez, ndërsa interesi i Bayern Munich rritet më shumë. Sipas një raporti nga...

Në gjendje të dehur sulmoi fizikisht nënën e tij, arrestohet i dyshuari në Suharekë

Policia e Kosovës ka njoftuar për një rast të dhunës në familje. Rasti ka ndodhur në Suharekë, ku një person në gjendje të dehur ka...

Lajmet e Fundit