Labinot Elshani nga Suhareka, në vitin 2006 e kishte humbur jetën, pasi ishte goditur nga një veturë në Shkup, raporton KTV.
Mirëpo, pas gjithë kësaj kohe, personi që e kishte goditur asnjëherë nuk është gjykuar. Madje, familja e tij thotë se gjykata e kishte shpallë fajtor Labinotin për së vdekuri, pavarësisht se ai kishte kaluar rrugën në zebra.
Ajo ka shprehë mllefin e saj për gjyqësorin maqedonas, e sidomos për gjykatësin Shpend Devaja, i cili është marrë me këtë rast.
Feridja ka thënë se ka provuar të kontaktojë me këtë gjykatës, por i njëjti asnjëherë nuk i është përgjigjur.