Është drejtuar Mozaiku i Skënderbeut në Prizren.
Intervenimi është bërë nga Lëvizja Vetëvendosje.
Kryetari i Prizrenit, Mytaher Haskuka tha se do të hetohen personat të cilët nuk kanë treguar respekt ndaj Gjergj Kastrioti Skënderbeu.
“Sapo u njoftuam nga mediat për mozaikun e Gjergj Kastriotit Skënderbeut, i cili ishte lënë në gjendje të papërgjegjshme në hapësirën prapa Shtëpisë së Bardhë, aktivistët e Lëvizjes Vetëvendosje! menjëherë kanë intervenuar duke e larguar atë nga ajo gjendje”, tha Haskuka.
Më 28 Nëntor në qendër të Prizrenit ishte vendosur Mozaiku i Skënderbeut i realizuar nga artisti Besart Gashin. Këtë ditë shumë qytetare u ndalën pranë këtij mozaiku dhe e vlerësuan punën e artistit. Mirëpo tani mozaiku ishte larguar nga aty duke u vendosur në një parking mbrapa komunës së qytetit.
“Veprimi i bërë sot është i patolerueshëm dhe madje paraqet mosrespekt ndaj heroit kombëtar Gjergj Kastrioti Skënderbeu”, tha Haskuka.
“Mozaiku pasi është larguar nga vendi ku ishte, u pastrua dhe u vendos në një vend më të sigurt, ndërkaq rasti do të hetohet deri në gjetjen e personave të papërgjeshëm që e kanë shkaktuar këtë akt”./PrizrenPress.com/