Kapiteni i Stacionit të Policisë së Prizrenit-Veri, Haxhi Kabashi, ka zhvilluar një takim me drejtorët e shkollave fillore dhe të mesme të zonës së përgjegjësisë së këtij stacioni.
Qëllimi i takimit ishte që drejtorët e shkollave të njiheshin drejtpërdrejt me situatën e sigurisë në shkolla dhe rreth tyre.
Gjatë takimit, u diskutuan çështje të ndryshme lidhur me sigurinë. Nga të dy palët u zotua për të shtuar bashkëpunimin, me synimin e ngritjes së niveleve të sigurisë në shkolla, si dhe në tërë zonën në përgjithësi.
Takimi u vlerësua si i frytshëm dhe i mirëpritur nga drejtorët e shkollave./PrizrenPress.com/
