Kryetari i SBASHK-ut, Rrahman Jasharaj, ka vizituar të enjtën shkollën fillore “ Abdyl Frashëri” në Prizren, ku ka takuar grevistët e këtij institucioni arsimor.Në ditën e katërt të grevës së mësimdhënësve, kryetari i SBASHK-ut, Rrahman Jasharaj, me bashkëpunëtorë, ka takuar grevistët e shkollës “ Abdyl Frashëri” në Prizren.
Ai tha se greva po vazhdon, dhe ne jemi këmbëngulës në realizimin e kërkesave tona për rritjen e pagave, të cilat sipas tij, duhet të jenë më të dinjitetshme për punëtorët arsimor. Kryetari i SBASHK-ut, Rrahmanaj, tha më tej se, greva po mbahet në shenjë proteste për koeficientin e pagave për punonjësit e arsimit në ligjin e pagave, pasi që sipas tij, ligji është mjaft diskriminues për të punësuarit në arsim.
Drejtuesit e SBASHK-ut, për gjendjen e krijuar fajësojnë qeverinë dhe kërkojnë nga ajo realizimin e kërkesave për ngritjen e koeficientit, dhe shprehin shqetësimin e tyre se nga kjo grevë më së së shumti po e pësojnë nxënësit.
Greva do të vijoj deri në plotësimin e të gjitha kërkesave të parashtruara nga SBASHK-u, theksoi kryetari Jasharaj.
Këshilli Grevist Qendror i përgëzon punëtorët e arsimit që nga çerdhet e deri edhe në universitete për unitetin e treguar në këtë grevë, dhe i fton që këtë unitet ta ruajnë edhe në ditët në vijim deri në realizimin e kërkesave për ngritje pagash.