Lagjja “Vëllezërit Stavileci” dhe ajo “Lidhja e Prizrent” në Prizren, kanë premtuar se dotë mbështesin Nismën, në zgjedhjet e 11 qershorit.
Banorët e këtyre lagjeve kanë thënë se kandidatët e NISMA-s për deputetë, do të jenë përfaqësimi më meritor në legjislaturën e re të Kosoves.
Kandidati Zafir Berisha tha se Nisma në këto zgjedhje nuk po hyn me premtime megalomane, por me premtime që do të jenë lehtësisht të arritshme, duke prekur kështu sektoret kryesor që ndikojnë direkt në zhvillimin ekonomik të vendit.
“Prioritare, për NISMA-n do të jetë bujqësia, deri në 400 milion euro investime , kryesisht në Agrokulturë dhe Hortikulturë, degë këto të bujqësisë që më së shumti do të kenë impakt në regjionin e Prizrenit me rrethinë. Bujqësia është jetike për ekonominë e Kosovës, ku ekziston një potencial i madh në rritjen dhe krijimin e vendeve të punës dhe në uljen e varfërisë në Kosovë”, theksoi Berisha.
“Poashtu krijimi i vendeve të reja të punes që do të lehtësojnë jetën e 25 mijë familjeve me asistencë sociale në Kosovë, që është poashtu shtyllë bazë e premtimeve të NISMA-s, krijon premisat e para që të fillojmë të mendojmë më pastaj për investime të mëdha ekonomike në Kosovë”.
Tubimin elektoral e pershendeti edhe kandidatja per deputete, Manuella Koni, e cila tha se “ne si deputetë duhet të përqendrohemi në punet të cilat dimë ti bëjmë më së miri, duke aluduar në profesionin e saj të mjeksisë, ku tha se ashtu siç eksiston betimi i Hipokratit në mjekësi, një betim i tillë do të duhej të jetë edhe në politikë, në mënyrë që të punojmë ndershëm para qytetarit./PrizrenPress.com/