Dy persona vjedhin ari në vlerë mbi 1,500 euro në një lokal në Prizren

Janë arrestuar një burrë dhe një grua, të dy kosovarë, në Prizren, pasi dyshohet se kanë vjedhur në një lokal ari me vlerë mbi 1,500 euro.

Sipas njoftimit të Policisë, të dyshuarit janë dërguar në mbajtje.

“Janë arrestuar një mashkull dhe një femër kosovar-e, pasi që nga lokali i viktimës femër kosovare, kanë vjedhur stoli ari me vlerë rreth 1539 euro. Me vendim të prokurorit, të dyshuarit janë dërguar në mbajtje”, thuhet në njoftimin e Policisë.