Policia e Kosovës (PK) njofton se është arrestuar U.M (40-vjeçar) nën dyshimin se vodhi një laptop në vlerë 700 euro nga kompania “Neptun” në Prizren.
Lajmi u bë i ditur përmes një njoftimi nga policia, ku thuhet se rasti kishte ndodhur më 15 nëntor, raporton “Betimi për Drejtësi”.
“Me datë 16.11.2022, në ora 10:35, menaxheri i kompanisë ,,Neptun” në Prizren, ka lajmëruar një rast Vjedhje, ankuesi raporton se me datën 15.11.2022 rreth orës 19:13 një person i pa njohur kishte vjedhur një Llap top HP, dhe ishte larguar në drejtim të pa njohur, vlera e llap topit është 700 euro”, thuhet në njoftim.
Sipas policisë, pas sigurimit të provave është arritur të identifikohet i dyshuari. i cili ka pranuar se kishte vjedhur laptopin.
Bëhet e ditur se i dyshuari është intervistuar në prezencë të avokatit mbrojtës, i cili ka pranuar veprën penale.
“Lidhur me rastin është njoftuar prokurori kujdestar/ Departamenti për krime të përgjithshme Prizren, i cili ka lëshuar Aktvendim mbi ndalim për 48 ore, i dyshuarit është ndal në Qendrën e ndalimit policor, Stacioni policor Prizren”, thuhet në njoftimin e policisë.