Organizta Joqeveritare “EC Ma Ndryshe” do të bëjë nesër promovimin e analizës “Urbanizmi si lexim i qytetit” dhe Hartës së ndërtimeve pa leje në Prizren.
Valon Xhabali, Koordinator i Programit të Trashëgimisë Kulturore tha se analiza dhe harta e ndërtimeve pa leje në këtë qytet është realizuar në kuadër të projektit “Urbanizm Ëatch – urbanizmi i Prizrenit nën vëzhgim të përhershëm”, që përkrahet financiarisht nga Fondacioni i Kosovës për Shoqëri të Hapur (KFOS).
“Do të prezantohen rastet e shkeljeve të identifikuara në Prizren, të përmbledhura në hartën e ndrëtimeve pa leje”.
“Në të njëjtën kohë, përmes analizës “Urbanizmi si lexim i qytetit” do të ofrohen dëshmi të transformimit të strukturës urbane të qytetit dhe degradimit që ka pësuar Qendra Historike gjatë dekadës së fundit, si rezultat i aktivitetit kaotik ndërtimor”.
Nga muaji korrik 2013, “EC Ma Ndryshe” ka nisur zbatimin e projektit “Urbanizmi i Prizrenit nën vëzhgim të përhershëm
“Nevoja për mbikëqyrjen e zhvillimeve në sektorin e urbanizimit ka rrjedhë si pasojë e zhvillimeve të shumta negative gjatë periudhës së pasluftës dhe tranzicionit që janë manifestuar me degradimin urban dhe planifikimin e pa-balancuar hapësinor”.
“ Projekti synon që të instaloj një sistem të monitorimit të përhershëm të aktivitetit shtetëror (dy nivelet e pushtetit dhe organet e drejtësisë) në fushën e menaxhimit dhe zhvillimit urban në qytetin e Prizrenit, me theks të veçantë në Qendrën Historike të tij, për të siguruar rend urbanistik”./PrizrenPress.com/