Tre javë pas triumfit në “X – Factor Albania”, Edea Demaliajn, fituesen e edicionit të katërt e takojmë të ulur në shkallët e Universitetit Politeknik të Tiranës.
Është një nga vendet ku më së shumti 16–vjeçarja shpenzon disa orë me miqtë e saj, ku shpesh herë bisedat marrin rrjedhën e muzikës dhe Edea nuk nguron t’i japë zë hiteve të rock-bandës “Djemtë e detit”, ashtu siç bënë pak ditë më parë miqtë e babait të saj, që datëlindjen e 41 të Gentit, e kujtuan duke kënduar hitet e rockstar-it shqiptar.
Te vargjet e këtyre këngëve, te kujtimet që miqtë risjellin në kujtesë nga kohët e kaluara bashkë me Gentin apo te mesazhet që admiruesit e “Djemve të detit” lënë në faqen e Facebook-ut, Edea prek frymëzimin.
Dhe hapat e parë janë hedhur.
Bashkëpunëtorët janë surprizë…
“X – Factori” ishte eksperienca që e rriti dhe e formoi si artiste. Sot i mungojnë miqtë, provat dhe të kënduarit live, në një skenë ku preku magjinë e këngës. /Tv Klan/