24.8 C
Prizren
E shtunë, 25 Maj, 2024

Edhe Juventus hyn në garë për transferimin e Kessie

Franck Kessie ishte një nga mesfushorët më të mirë në botë në rolin e tij sa ishte pjesë e Milan-it, derisa në verën e vitit të kaluar iu bashkua Barcelonës si transferim i lirë.

Mirëpo, asgjë nuk po shkon mirë për Kessie-n te Barcelona, pasi që nuk po arrin ta sigurojë një vend titullari.

Inter-i ishte skuadra që interesohej shumë për ta rikthyer mesfushorin në Itali, por tani është në garë edhe skuadra e Juventus-it.

Siç raportohet nga gazeta spanjolle “Sport”, Juventus-i ka nisur rrugën për të marrë Kessie-n në një përpjekje për të shtuar një tjetër mesfushor të njohur në radhët e tyre.

Gjigantët katalanas kanë nevojë për të ulur faturën e tyre vjetore të pagave dhe një numër i lojtarëve të ekipit të parë mund të largohen nga “Camp Nou” në verë në një përpjekje për të mbledhur fondet shumë të nevojshme.

Megjithatë, ka një interes më të gjerë për futbollistin nga Bregu i Fildishtë dhe Tottenham-i thuhet se po e ndiqte atë në afatin kalimtar të janarit.

Inter-i gjithashtu është raportuar gjerësisht se është i interesuar të rikthejë Kessie në qytetin e Milanos, potencialisht si pjesë e një marrëveshje shkëmbimi që mund të përfshijë Marcelo Brozovic-in.

“Sport” pretendon se Juve mund të ofrojë gjithashtu një lloj marrëveshjeje me lojtar plus para për nënshkrimin e Kessie-t, megjithëse ende nuk është specifikuar cili lojtar mund të lëvizë në drejtim të Spanjës.

Çdo marrëveshje e mundshme do të duhet të nënshkruhet nga trajneri i Barçës, Xavi dhe çdo lojtar që transferohet në Katalonjë si pjesë e marrëveshjes do të duhet të jetë një lojtar “funksional”, i gatshëm për të ndikuar në ekipin e parë. Albanian Post 

Më Shumë

Moti sot i vranët, në disa vende reshje shiu

Moti sot në Kosovë do të jetë kryesisht i vranët, kur sipas Institutit Hidrometeorologjik të Kosovës, në disa vende do të ketë edhe reshje...

Kapet me marihuanë në Vërmicë, arrestohet i dyshuari

Policia e Kosovës e ka arrestuar një person në Vërmicë, pasi e ka kapur e marihuanë. I njëjti me vendim të prokurorit është dërguar në...

Lajmet e Fundit