Edhe Nisma kërkon zbardhjen e vrasjes së Elvis Pistës

Me keqardhje morëm lajmin për vrasjen e kandidatit për deputet të PDK-së, Elvis Pista, i cili u vra mbrëmë në prani të familjarëve të tij.

NISMA për Kosovën, shpreh ngushëllimet më të sinqerta për familjarët e të ndjerit, miqve, bashkëpunëtorëve të tij, dhe Partisë Demokratike të Kosovës.

NISMA për Kosovën kërkon nga organet e rendit që sa më parë ta zbardhin këtë vrasje dhe bërësit e krimit t’i sjellin para organeve të drejtësisë.