16.8 C
Prizren
E diel, 14 Gusht, 2022

Edukimi parafillor nga viti i ardhshëm do të jetë obligativ

Shumë prindër në mungesë të çerdheve publike detyrohen të paguajnë shumë para për kopshte private. E numri i madh i fëmijëve nëpër grupe në institucionet parashkollore publike, bënë që planprogramet të mos realizohen si duhet.

Qeveria ka paraparë të ndërtohen 50 çerdhe për të cilat janë ndarë 5 milionë euro përderisa edukimi parafillor nga viti 2023 do të jetë obligativ.

Delona Plakaj është 5 vjeç. Vjersha dhe shumë mësime të tjera edukative ajo së bashku me fëmijët e tjerë të kopshtit i mësuan nga edukatoret.

Delona është me fat, që është pjesë e çerdhes publike “Gëzimi Ynë” në Fushë Kosovë, pasi si i vetmi institucion parashkollor publik në këtë qytete ofron edukimin parashkollor për moshën 5 dhe 6 vjeç të fëmijëve.

“Duke e parë se numri i banorëve është shumë i madh të ketë edhe një çerdhe tjetër do të ishte shumë mirë për të ardhmen”, thotë edukatorja Fatbardha Berisha.

Ndërtimi i çerdheve nëpër komuna pritet të realizohet pasi këtë premtim e ka dhënë i pari i i ekzekutivit, Albin Kurti.

E në buxhetin për vitin 2022, i cili u miratua në dhjetorin e vitit 2021, u ndanë 5 milion euro për ndërtimin e këtyre çerdheve.

“Ndërtimi i çerdheve të reja qoftë këtu afër, qoftë edhe në lagje do të reja e shkarkon këtë ngarkesë dhe ju ofron mundësi më të madhe edhe prindërve edhe fëmijëve që të përfshihen.”, tha drejtoresha e Institucionit Publik “Lulevera”.

Kritikat vazhdimisht janë për përfshirje të vogël të fëmijëve në edukimin e hershëm, i cili sipas raportit të progresit është vetëm 18%.

Ministria e Arsimit në dhjetor të vitit të kaluar mori vendim ku themeloi Komitetin Këshillues për Edukim në Fëmijëri të Hershme. Në këtë Komitet marrin pjesë një gamë e gjerë drejtuesish të institucioneve qendrore të cilët gjatë muajit janar dhe shkurt të këtij viti janë takuar për të harmonizuar qëllimet dhe synimet për përfshirjen e fëmijëve në edukimin e hershëm.

Edukimi parafillor për moshën 5 dhe 6 vjeç nga viti i ardhshëm do të jetë obligativ në Kosovë.

 

Më Shumë

Komuna e Prizrenit paguan 124 mijë euro për avokat (VIDEO)

Organizata Democracy Plus ka nxjerrë se Komuna e Prizrenit ka paguar 124.926 euro për përfaqësim ligjor, ndonëse paguan edhe zyrtarë komunalë për këtë detyrë.   Në...

Konflikti në Ukrainë pritet t’i kushtoj Gjermanisë mbi 260 miliardë euro

Lufta në Ukrainë dhe çmimet e larta të energjisë po i kushtojnë Gjermanisë qindra miliarda euro, thuhet në një studim të fundit. Ekonomia gjermane...

Lajmet e Fundit