Egzon Gashi është vetëm 11 vjeçar dhe vuan nga një sëmundje e rëndë. Ai vuan nga “Socoliosis”, sëmundje kjo e cila ka arritur shkallën e deformimit në boshtin kurrizor mbi 85%, e cila po i shkakton probleme me frymëmarrje, në funksionimin e rregullt të zemrës dhe në ecje.
Mjekët në QKUK i kanë rekomanduar të shkoj për shërim jashtë vendit, ngase në Kosovë nuk mund të shërohet kjo sëmundje. Për këtë arsye familja e Egzonit ka filluar të kërkoj ndihmë ngase ai mund të shërohet në Turqi dhe kushton 62 mijë e 500 dollarë amerikanë.
Ai ka lindur me sëmundjen Hidrocefalus, por pas pak kohe i është paraqitur edhe sëmundja Scoliosis, edhe pse shumë vite ka mbajtur një Korset i cili mendohet ta stabilizoj dhe ndaloj deformimin e boshtit kurrizor, kjo nuk ka pasur sukses.
Shkalla e deformimit po merr përmasa të mëdha dhe familja kërkon ndihmë ngase nuk ka mundësi ti mbulojë shpenzimet.
Për të gjithë që duan ta ndihmojnë këtë djalë mund ta bëjnë përmes xhirollogarisë në ‘Raiffaisen Bank’:
1501090001263595
Ose përmes operatorit VALA duke dërguar sms në numrin 55101, që kushton 1 euro.