Kryeshefi Ekzekutiv i Ndërmarrjes Publike KRM “Ekoregjioni” Sh.A. në Prizren, Burim Shala, ka reaguar pas ndërprerjes së energjisë elektrike në ambientet e kësaj ndërmarrjeje, duke e cilësuar këtë veprim si të padrejtë dhe të pajustifikueshëm.
Sipas tij, ndërprerja është bërë në mënyrë të paarsyeshme, duke pasur parasysh natyrën e shërbimeve që ofron ndërmarrja për qytetarët.
“Ky është një veprim skandaloz, i papranueshëm ndaj një ndërmarrjeje publike që shërben për qytetarët. Ne nuk jemi kompani prodhuese dhe puna jonë nuk varet nga energjia elektrike në zyra, por ky veprim është ndërmarrë vetëm pse kemi mbi 500 punëtorë”, tha Shala.
Sipas tij, nga numri i përgjithshëm i punëtorëve, vetëm një pjesë e vogël punojnë në administratë, ndërsa pjesa dërrmuese janë punëtorë të terrenit që kryejnë punë esenciale për mirëmbajtjen e pastërtisë në qytete.
“Është e pakuptimtë që një ndërmarrje që kryen shërbime publike të ndëshkohet në këtë mënyrë. Nëse kjo është praktikë normale, atëherë pse të mos ndalet energjia edhe për spitale, institucione shtetërore apo komuna?”.
Shala e cilësoi këtë veprim si “padrejtësi të pastër” dhe “turp kombëtar”, duke kërkuar ndërhyrje të menjëhershme për të zgjidhur këtë situatë.
“Kërkojmë që kjo padrejtësi të ndalet sa më parë. Zoti na ndihmoftë si popull,” përfundoi Shala.
KRM “Ekoregjioni” është një ndërmarrje publike rajonale që ofron shërbime të mbeturinave në disa komuna të rajonit të Prizrenit, dhe ka një numër të konsiderueshëm punëtorësh të angazhuar në terren çdo ditë.
Marketing
Banesat më të kërkuara në Prizren – Bëhu pronar në Foleja Residence!
Freski e përditshme me çmim të zbritur – zgjidh aparatet e ujit Bruno!
‘Toni Residence’ – Mos e humb rastin për të blerë banesën tënde në Prizren
Hapësira me qira në objektet e reja te ‘RENELUAL TAHIRI’ në Prizren
