25.8 C
Prizren
E hënë, 17 Qershor, 2024

Ekspertët shëndetësor të BB-së vizituan Rahovecin

Ekspertet e BB-rahovecZyrtarët e komunës së Rahovecit kanë pritur ekspertë të Bankës Botërore për çështje të shëndetit publik. Ata biseduan rreth problemeve me të cilat po përballet shëndetësia në këtë komunë, si dhe mundësitë e gjetjes së një zgjidhjeje më të mirë për shumë probleme ekzistuese.

Drejtoresha për Shëndetësi dhe Mirëqenie Sociale, Florije Boshnjaku, ka informuar ekspertët rreth gjendjes së rëndë në shëndetësi, mungesën e barërave esenciale, si dhe mungesën e pajisjeve mjekësore për trajtimin e personave në dializë. Boshnjaku foli edhe rreth mundësisë së hapjes së një reparti për dializë, ku do të merrnin shërbime pacientët e Rahovecit e të Malishevës, rreth 70 sosh.

Ndërkaq, drejtori i QKMF-së “Dr. Fahredin Hoti”, Dr. Agim Kadiri, potencoi nevojën e zgjerimit të shërbimit specialistik, gjë që do të ulte koston e shërbimeve dhe do të ndikonte në ruajtjen e buxhetit të pacientëve tanë. Po ashtu dr. Kadiri foli edhe për mungesën e negativëve në sektorin e Rëntgenit, mungesën e reagensëve në laborator, si dhe mungesa të tjera që e bëjnë të pamundur një shërbim sa më cilësor për pacientët e komunës së Rahovecit.

Ekspertët e Bankës Botërore u interesuan rreth mundësive reale që ka komuna e Rahovecit për rritjen e cilësisë së shërbimeve shëndetësore, sigurimin e obliguar shëndetësor, si dhe blerjen e shërbimeve shëndetësore, që do të zbatoheshin pas hyrjes në fuqi të ndryshimeve në ligjin për shëndetësinë./PrizrenPress.com/

Më Shumë

De Biasi: Shqipëria më ndryshoi jetën, por në Dortmund bëj tifo për Italinë

Kualifikoi i pari Shqipërinë në një fazë finale të Evropianit dhe tani flet me krenari. “Jam krenar pasi kam dhënë edhe unë një kontribut për...

95 vite më parë lindi revolucionari argjentinas Ernesto Che Guevara

Sot 95 vite më parë ka lindur revolucionisti dhe autori argjentinas Ernesto (Che) Guevara,  një figurë mjaft e njohur e shekullit XX-të, shkruan KultPlus. Ernesto...

Lajmet e Fundit