Dyzet nga një qind vizatime të artistit të Artit të Ri austriak Leopold Forstner (1878-1936), do të prezantohen për dy javë në katedralen e Prishtinës, duke nisur nga 19 janari.
Presidentja Atifete Jahjaga dhe ministri i Punëve të Jashtëm Austriak, Sebastian Kurz, në praninë e Ipeshkvit Dodë Gjergji do hapin këtë ekspozitë të kolegut të artistëve si Gustav Klimt dhe Koso Moser, i cili kishte udhëtuar në territoret e sotme të Shqipërisë, Kosovës, Maqedonisë, Malit të Zi dhe Serbisë.
Në cilësinë e tij të oficerit të Perandorisë Austro-Hungareze ai vizatoi portretet e banorëve lokal, bëri foto të veshjeve kombëtare dhe mblodhi artizanate. Në mes të Luftës së Parë Botërore misioni i tij ishte të dokumentoj kulturat e popujve të Ballkanit.
Afërsisht 100 vizatime të mëdha, 50 fotografi dhe shumë punime artizanale nga udhëtimet e Forstner-it ruhen edhe sot.