Një politikan meksikan, aktiv në luftën për zhdukjen e krimit të organizuar, u qëllua për vdekje teksa po bënte selfie me disa mbështetës.
Fernando Purón, ish-kryebashkiaku i Piedras Negras, kishte marrë pjesë në një debat në Kongres të premten, kur u qëllua.
Vrasja tronditëse e Purón, e cila është filmuar nga kamerat afër, tregon një burrë me mjekër dhe me kapele që ecën mbrapa 43-vjeçarit dhe e gjuan atë në pjesën e pasme të kokës.
Purón ndërroi jetë, rrugës për në spital.
Ai njihej kryesisht për punën e tij, për të luftuar kartelin Los Zetas.
Karteli Zeta ka humbur disi “fuqinë”, që nga arrestimi i udhëheqësit Miguel Treviño Morales, i njohur si Z-40.
Vdekja e Purón e bën atë politikanin e 112 të vrarë në Meksikë, që nga shtatori i vitit të kaluar.
Më shumë se 1,000 kandidatë kanë braktisur zgjedhjet lokale të 1 korrikut, për shkak të frikës se do të vriten nga bandat.
Gjatë fushatës, gati 10 përqind e vendit ose 222 komuna kanë pasur kandidatë ose drejtues aktualë që janë vrarë, sulmuar ose kërcënuar.
Purón, pjesë e Partisë Revolucionare Institucionale në pushtet, ishte kërcënuar disa herë gjatë detyrës si kryetar bashkie.
Në 2016, një paralajmërim u postua në një varrezë, ku shkruante: “Purón, në dy vjet ne do të presim kokën tënde”.
Lexo më shumë në: http://www.gazetaexpress.com/lajme/ekzekutohet-politikani-meksikan-547644/?utm_source=referral&utm_medium=web&utm_campaign=copyright