Kryetarja e NDS-së, Emilia Rexhepi, njëherësh kandidate e këtij subjekti për Kryetare të Prizrenit, ka dalë në përkrahje të plotë të Shaqir Totajt për Kryetar të Prizrenit.
Në një tubim të përbashkët, Emilia Rexhepi, e cila është edhe deputete e Kuvendit të Kosovës, ka thënë se Shaqir Totaj e ka përkrahjen e plotë të komunitetit boshnjak në Prizren.
“Shaqir Totaj është kryetar unifikues i gjithë qytetarëve të Prizrenit pa dallim”, ka thënë kryetarja e NDS-së, Emilia Rexhepi. NDS është subjekti i radhës i komuniteteve në Prizren që është rreshtuar pas PDK-së dhe Shaqir Totajt për Kryetar të Prizrenit.
Deri më tani, në përkrahje të Totaj kanë dalë edhe partitë AAK, ajo turke KDTP dhe koalicioni tjetër i boshnjakëve, VAKT