Gjykata Themelore në Prishtinë, Departamenti për Krime të Rënda, ka ngritur aktakuzë ndaj pesë personave për vepra të ndryshme penale, përfshirë – krim të organizuar; furnizim, transportim, këmbim apo shitje të paautorizuar të armëve; mashtrim; dhe shpërdorim të pozitës zyrtare apo autoritetit.
Koha.net mëson se personat ndaj të cilëve është ngritur aktakuza, janë: Armend Selimi, drejtor/kryeshef ekzekutiv i kompanisë “NTP Friends”, Astrit Pira, Drejtor Udhëheqës i “NTP Jolix” dhe bashkë-drejtor i padeklaruar dhe punonjës në “NTP Friends”, Xhevahire Gjonbalaj, Drejtoreshë e Prokurimit në Policinë e Kosovës, Kadrush Koliqi, Udhëheqës i Divizionit për Armë dhe Municion, Departamenti për Siguri Publike në MPB dhe Ragip Bunjaku, Ndihmës-drejtor gjeneral i Shërbimeve Mbështetëse në Policinë e Kosovës.
Pretendimet kanë të bëjnë me procesin e tenderit për furnizimin me armë, municion dhe pajisje për mbikëqyrje për Policinë e Kosovës (PK).
Të pesë të pandehurit janë arrestuar më 5 tetor të vitit 2011.