Misioni i cili në Kosovë ka ardhur për të ndihmuar në vendosjen e sundimit të ligjit, si dhe për ta luftuar korrupsionin dhe krimin e organizuar në nivel të lartë, EULEX, tash është gjendur në situatë ku është akuzuar për përfshirje në korrupsion të nivelit të lartë, shkruan sot Koha Ditore.
Dhe kjo është “dramatike” për shumë deputetë të Parlamentit Evropian, të cilët edhe më herët ishin shprehur se “janë të alarmuar me mungesën e rezultateve nga ana e EULEX-it”. Këto pohime janë bërë para disa ditësh në një debat në Komisionin për kontrollin buxhetor të Parlamentit Evropian, ku në prani të Keneth Dean, shefit të Operacioneve Civile në Shërbimin e Jashtëm të BE-së, nën të cilin është edhe EULEX-i, është diskutuar për misionin evropian në Kosovë