Fatmir Limaj tanimë është avokat i licencuar. Ai tashmë ka dhënë provimin e jurisprudencës – edhe me shkrim, edhe me gojë.
Kjo është bërë e ditur nga Ministria e Drejtësisë, e cila në ueb-faqen e saj ka publikuar rezultatet e provimit me gojë të mbajtur në ambientet e Ministrisë së Drejtësisë, me 1 mars 2014.
Limajt, për të ushtruar profesionin e avokatit, i duhet edhe licencimi nga Oda e Avokatëve të Kosovës, transmeton KP.
Ndryshe, aktualisht avokati Limaj po përballet me dy procese gjyqësore, ku po të dyja kanë të bëjnë me kohën kur ishte ministër i Transportit dhe Post-Telekomit, në rastet që njihen edhe si “MTPT 1” dhe “MTPT 2”.