16.8 C
Prizren
E enjte, 28 Mars, 2024

Haradinaj: Koalicion – as me PDK e as me AKR

Ramush Haradinaj 1Thotë se premtimi i tij për rritjen e pagave në njëmijë euro është premtim real, ndërsa rritjen e fundit të pagave nga Qeveria e Kosovës, lideri i Aleancës për Ardhmërinë e Kosovës, Ramush Haradinaj, e quan ofenduese.
“Kjo bëhet para zgjedhjeve. Kjo i mban në stres qytetarët. Mund t’i marrin ato një muaj a dy, e jo më shumë. Kjo është tallje me qytetarët. Pse nuk u rritën më herët, po duhet me pritë katër vjet para zgjedhjeve”, ka thënë Haradinaj në emisionin Rubikon të KTV-së, duke shtuar se në Kosovë më shumë i besohet gënjeshtrës se të vërtetës. “U premtua energjia, ndërsa blihet ajo në Serbi. Ku e merr Thaçi rrymën nga paratë e popullit? Nga Serbia, por nuk thuhet kështu, sepse përmendin ca ‘networke’ të energjisë”.

I pyetur për prurjet e reja në AAK, Haradinaj thotë se në partinë e tij po bëhen reforma të mëdha.

“Jemi duke punuar në terren për një reformë të thellë”, thotë ai, duke shtuar se janë shumë emra të rinj që do ta përbëjnë listën e AAK-së për zgjedhjet e ardhshme. “Disa janë të punësuar në organizata, mekanizma të caktuar, me paga të cilat i mbajnë familjet, prandaj para zgjedhjeve nuk i përmendim se mund t’i dëmtojmë”.

Përkitazi me zgjedhjet e fundit lokale, Haradinaj nuk mohon se e ka dëmtuar “afërsia” me kryeministrin e Kosovës, Hashim Thaçi.

“Në më 20 korrik 2010 kam shkuar në Hagë. Atëherë kam lënë njerëzit me të cilët kam fituar. Mungesa e kryetarit i ka dëmtuar ata në sistem. Ka dëmtuar edhe perceptimi për një afri me Thaçin, se nuk ka afrim me të”, thotë ai, duke shtuar se nuk duhet shkuar në zgjedhje nacionale pa e ndëshkuar Qeverinë e tashme. “Kosova duhet të japë mësim se nuk mund të largohet pa ndëshkim”.

I pyetur nëse në zgjedhje nacionale nuk do të ketë rezultat më të mirë të AAK-së në zgjedhjet e përgjithshme, Haradinaj thotë se mbi 15 për qind e qytetarëve të Kosovës kanë votuar për AAK-në në zgjedhjet lokale, që për të është një fuqi.

“Aleanca edhe në këto zgjedhje ka rritje në përqindje”, thotë Haradinaj. “Po punojmë për rritje në zgjedhjet e ardhshme”.

I pyetur për kritikat ndaj tij të bëra nga Lëvizja Vetëvendosje, ai thotë: “Pranoj kritika, por gërditëm me njerëzit kur kalojnë në shpifje”.

Ai thotë se është i afërt edhe për koalicion me VV-në, po jo me PDK-në e madje as AKR-në.

“AKR është e njëjta shkollë qeverisjeje. Duhet një qeverisje e re”, tha ai

Më Shumë

Kot grindem me hënën

Enver Sulaj Fjalët e shenjta më vijnë si profeci Si magji Si ankth Dhe më lënë pa frymë, pa fjalë. Sonte mori fund vuajtja Fjalët ikën tej reve Ti dridhesh si...

Arti në zi! Ndahet nga jeta poeti i njohur shqiptar, Jorgo Papingji

Arti shqiptar në zi! Është ndarë nga jeta në moshën 82-vjeçare, poeti dhe autori i një sërë këngëve, Jorgo Papingji. Mësohet se ai ka ndërruar...

Dhimbja

Lajmet e Fundit