7.8 C
Prizren
E enjte, 8 Dhjetor, 2022

Fetoshi: E padrejtë t’i vendoset Kosovës edhe një kusht për liberalizimin

Nëse del se BE-ja do ta ndërlidhë liberalizimin e vizave për Kosovën me funksionalizimin e sistemit ETIAS, atëherë kjo nënkupton që vendit tonë po i shtohet edhe një kusht i ri. Kështu ka deklaruar njohësi i çështjeve politike dhe integrimeve evropiane, prof. Arben Fetoshi në “Lajmet e Fundit” në RTK.

Duke komentuar takimin e djeshëm të Grupit Punues të Këshillit të BE-së, ku u diskutua edhe për liberalizimin e vizave për Kosovën, Fetoshi theksoi se dita e djeshme ka krijuar pritshmëri shumë të mëdha tek të gjithë qytetarët e vendit.

Mirëpo, sipas tij, ndoshta ky ka qenë një entuziazëm i keqkuptuar sepse dje është futur thjesht në agjendë çështja e liberalizimit dhe nuk është pritur vendimi. Ai ka thënë se lajmi i rëndësishëm është se të gjitha shtetet anëtare të BE-së e mbështesin liberalizimin e vizave, derisa procesin e stërzgjatur të liberalizimit e ka vlerësuar të padrejtë dhe që është përdorur për presion ndaj Kosovës në kuadër të dialogut me Serbinë.

“Disa kërkesa të reja për të cilat flitet prej dje e reflektojnë njëlloj mungese të vullnetit politik të shteteve anëtare të BE-së që kjo çështje të mbyllet sa më parë. Unë dua të shpresoj se nuk bëhet fjalë më për kritere të reja, por nëse Kosovës do t’i vendoset libralizimi i vizave vetëm atëherë kur të funksionalizohet ETIAS-i, kjo i bie që i shtohet edhe një kusht i ri dhe kjo është absolutisht e padrejtë nga organizata që mëton të jetë prijëse e të drejtave dhe lirive fundamentale të njeriut”, ka theksuar Fetoshi.

Megjithatë, ai ka shprehur shpresën se Kosovës nuk do t’i vendosen kushte të reja dhe agjenda e liberalizimit të vizave do të ecë para dhe kjo çështje do të mbyllet në afat sa më të shpejtë.

Më Shumë

Kuvendi për nëntë muaj për paga e mëditje shpenzoi mbi 4.6 milionë euro

Sekretari i Kuvendit të Kosovës, Ismet Krasniqi, ka bërë me dije se shpenzimet e Kuvendit për nëntëmujorin e këtij vitin kapin shifrën mbi 5...

Sot shqyrtohen Projektligjet për zyrtarët dhe pagat në sektorin publik

Komisioni për Administratë Publike, Pushtet Lokal, Media dhe Zhvillim Rajonal sot do të mbajë mbledhje. Në këtë mbledhje do të bëhet shqyrtimi në parim...

Lajmet e Fundit