Sapo ka filluar takimi i Këshillit të Përgjithshëm të Lidhjes Demokratike të Kosovës. Në takim është edhe lideri i LDK-së, Isa Mustafa.
Në këtë takim pritet të dilet me emrat për pozitën e zëvendësministrave.
Po ashtu, në këtë mbledhje do të caktohen edhe këshilltarët politik të ministrave, derisa pjesë e diskutimeve do të jenë edhe zgjedhjet e brendshme në parti, raporton Telegrafi.
LDK ka në dispozicion rreth 700 kandidatë të cilët janë propozuar nga degët për t’u emëruar zëvendësministra apo këshilltarë.
Në kabinetin qeveritar të drejtuar nga Isa Mustafa, LDK-së do t’i takojnë 19 zëvendësministra dhe rreth 70 këshilltarë të ministrave. /Telegrafi/