Më shumë se ‘Margarita’, s’do të fliste asnjë titull për një dokumentar që sjell rrugëtimin e një jete…të rrëfyer prej vetë asaj, protagonistes së gjithanshme të dokumentarit. Regjisori Gjonaj, fjalëpak…pasi ka dashur të lërë filmin e tij të flasë, zgjedh të thotë se dashuria është ajo që ka mbisunduar gjithçka në periudhën e gjatë të realizimit të filmit.
Nga skena ku ka shkuar një jetë…veç sheshxhirimeve të shumta të filmave, aktorja Margarita Xhepa, ndërsa në sallë gjendeshin miqtë e një jete të saj dhe krijuesve të dokumentarit, kjo aktore s’kish pse t’i fshihte eocionet.
Dokumentari ‘Margarita’ është fryt i një skenari sigluar nga Angjelina Xhara, realizuar me mjeshtëri nga kineasti Kujti, Gjonaj që pati premierën në vitin kur aktorja Margarita Xhepa, kremtoi 80 vjetorin e saj të lindjes.