Forcat tokësore ushtarake të Turqisë kanë kaluar në veri të Sirisë, si pjesë e kampanjës së Ankaras për të larguar luftëtarët kurdë nga kufiri.
Këtë e ka bërë të ditur kryeministri turk, Binali Yildirim i cili ka thënë që qëllimi është të krijohet një zonë e sigurt rreth 30 km brenda Sirisë.
Ndërsa nga luftëtarët kurd YPG është thënë se janë dëbuar ushtarët turq nga Afrin.
Operacioni i Turqisë, i cili u bë publik ditën e shtunë, rrezikon ngritjen e tensioneve me SHBA-të, që po i ofrojnë mbështetje kurdëve në luftimet me xhihadistët e Shtetit Islamik.