Forumi Transparenca do të mbajå nesër (22 korrik) debatin e katërt në orën 18:00 në Sallën e Kino Europa në sheshin ‘Shatërvan’ në Prizren.
Në këtë debat do të trajtohen problemet që mërgimtarët nga diaspora ballafaqohen gjatë pushimev verore. Debati “Çfarë trajtimi për diasporën”, do të trajtojë çështjet që lidhen me Administratën komunale në shërbimet karshi mërgatës, riatdhesimin, sigurimin e pronave të qytetarëve që jetojnë jashtë vendit dhe të ngjashme.
Diskutimi do të jetë një përballje e panelistëve me përfaqësues nga diaspora, partitë politike në Prizren, komunitetet jo shumicë në Prizren si dhe anëtarët e Forumit Transparenca.
Forumi Transparenca është themeluar në mars të këtij viti, si përpjekje e koordinuar e akterëve të shoqërisë civile dhe mediave në Prizren, të cilët kanë për synim rritjen e nivelit të transparencës dhe llogaridhënies së qeverisë lokale të Prizrenit.
Ky trup joformal përbëhet nga aktivistë të shoqërisë civile dhe gazetarë të Prizrenit, të cilët janë aktiv në fushën e qeverisjes demokratike.