Agjencia e lajmeve britanike, Reuters shkruan se janë vrarë 198 ukrainas, duke përfshirë tre fëmijë, si rezultat i pushtimit rus.
Ky informacion u raportua fillimisht nga Interfax, duke cituar ministrin ukrainas të shëndetësisë Viktor Lyashko.
Ai tha se 1,115 njerëz janë plagosur, duke përfshirë 33 fëmijë. Ishte e paqartë nëse i referohej vetëm viktimave civile, raporton theguardian.
Më herët, kryetari i bashkisë së Kievit, Vitali Klitschko, tha se 35 persona, përfshirë dy fëmijë, u plagosën vetëm gjatë përleshjeve të fundit në kryeqytet.
Ai shtoi se aktualisht nuk ka prani të madhe ushtarake ruse në Kiev, por ka frikë se grupet diversante ruse janë aktive.