Edhe një gazetar i është bashkuar skenës politike kosovare.
Kastriot Jahaj sot është bërë edhe zyrtarisht anëtar i subjektit më të ri politik Alternativa.
Jahaj këtë e ka konfirmuar për Telegrafin, duke thënë se do të kontribuojë për ndryshimin e gjendjes në Kosovë.
“Prej sot jam pjesëtar i Alternativës. Unë besoj në vizionin dhe projektin që ka kjo parti për të ndryshuar situatën politike dhe gjendjen ekonomike në Kosovë”, ka thënë ai për Telegrafin.
Ndryshe, Jahaj që nga viti 2012 është angazhuar në shoqëri civile. Ai ka qenë nismëtarë i grupit të qytetarëve aktivë për Prizrenin, ndërsa gjatë karrierës si gazetarë njihej për zbulimin e aferave korruptive të klasës politike. /Telegrafi