5.8 C
Prizren
E martë, 19 Mars, 2024

Gazetari spanjoll, Balague: Messi nuk ka pasur asnjë ofertë nga Al Hilal

Sulmuesi i Paris St-Germain, Lionel Messi, nuk është kontaktuar nga Al Hilal dhe nuk do të konsideronte një lëvizje në Arabinë Saudite, thotë eksperti spanjoll i futbollit, Guillem Balague.

Raportet e fundit sugjerojnë se argjentinasit, 35 vjeç, i janë ofruar 245 milionë funte për t’u transferuar në Lindjen e Mesme.

Kontrata e Messit skadon në verë, por, sipas Balague, ai është afër finalizimit të një marrëveshjeje për të qëndruar në PSG.

“Nuk ka pasur një ofertë nga Al Hilal”, thotë Balague.

“PSG dhe Messi po organizojnë një takim në javët e ardhshme për të finalizuar marrëveshjen që do ta mbajë atë në Paris”.

Messi ndihmoi Argjentinën të fitonte Kupën e Botës për herë të parë që nga viti 1986 në Katar muajin e kaluar.

Ai tha pas turneut se kishte në plan të vazhdonte të luante për vendin e tij, ndërsa Balague thotë se është gjithashtu i vendosur të fitojë më shumë gjëra në Evropë.

“Për momentin, motivimi i tij është të qëndrojë në Evropë”, shtoi Balague.

“Ai është favorit për të fituar Topin e Artë, ai është ende në Ligën e Kampionëve, ai ka objektiva të mëdha pas fitores së Kupës së Botës”.

“Jo vetëm që nuk ka kuptim t’i afrohen atij me atë ofertë, por ajo nuk ka ekzistuar”.

Messi iu bashkua PSG-së nga Barcelona në vitin 2021 dhe ka bërë 54 paraqitje për skuadrën e Ligue 1, duke shënuar 24 gola. /Albanianpost.com

Më Shumë

Ky është çifti i moshuar që u gjenden të vdekur në shtëpinë e tyre në Rahovec

Një grua dhe një burrë janë gjetur sot pa shenja jete në shtëpinë e tyre në fshatin Pataqan i Poshtëm në Rahovec. Policia ka bërë...

Malishevë: Një burrë raportoi rrejshëm se ishte dhunuar nga një burrë tjetër

Një person është ndaluar për 48 orë pasi kishte bërë një raportim të rrejshëm në polici se kinse ishte dhunuar seksualisht nga një burrë...

Zotërit e fjalës

Lajmet e Fundit